उक्त उपलब्धिको सम्मानस्वरूप जिल्ला समन्वय समितिले वेदकोट नगरपालिकालाई सम्मानपत्र प्रदान गरी अभिनन्दन गरेको छ। सम्मानपत्र जिल्ला समन्वय समितिका प्रमुख दुर्गादत्त बोहराकाे हातबाट नगर प्रमुख भोजराज बोहरा र उप–प्रमुखज्यूले संयुक्त रूपमा ग्रहण गर्नुभयो। यसका साथै, वेदकोट नगरपालिका वित्तीय व्यवस्थापनमा समेत आदर्श सावित भएको छ। यो नगरपालिका जिल्लाको सबैभन्दा कम बेरुजु (०.४८%) भएको घोषणा गरिएको छ। उत्कृष्ट प्रदर्शनका लागि प्रमुख बोहराले नगरका सम्पूर्ण जनप्रतिनिधि, कर्मचारी तथा नागरिकप्रति आभार व्यक्त गर्दै अझ राम्रो शासन र विकासका लागि निरन्तर प्रयास गर्ने प्रतिबद्धता जनाउनुभयो।